Omusango gw’abateberezebwa okutega bbomu mu 2010 nebatta abasoba mu 70 guddamu okuwulirwa olwaleero mu kkooti enkulu mu maaso g’omulamuzi Alfonse Owiny Dollo.
Oludda oluwaabi lusuubirwa olwaleero okuleeta omu ku banonyereza ku musango guno okuva mu minisitule y’ebyokwerinda Robinson Rogers Namara awe obujulizi bwe.
Abajulizi 30 bebakawa obujulizi ku bavunaanwa nga era abavunaanwa bano bali 13 okuli banna kenya 7, bannayuganda 5 ssaako n’omutanzania omu nga bavunanibwa emisango okuli ogw’obutemu, okugezaako okutta n’ogwobutujju.
Bbomu ezoogerwako zategebwa mu bawagizi b’omupiira wali ku Ethiopian Village e Kabalagala ne Kyaddondo Rugby Ground bwebaali balaba fayinolo za world cup mu 2010.
