Bya Benjamin Jumbe
Minister omubeezi owekikula kyabantu Peace Mutuuzo alaze okutya, olwemiwendo egyeyongera ku kukekejjula abakyala nabawala mu mbugo.
Minista ssinzidde mu district ye Amudat, ku mikolo egyokulwanyisa ebikolwa bino, alaga ebibalo nga bwebiyimiridde.
Okusinziira ku Uganda Demographic and Health Survey eyomwaka 2011 okukekejjula mu mbugo, kwalinnya okuva ku 0.6% nga bwegwali mu 2006 okutukira ddala ku 1.4%.
Okusinga omuze guno guli muba kabira yaba-Sebei mu district okuli Kapchorwa, Bukwo, Nakapiripirit, Amudat ne Moroto.
Minister alaze obukulu bwokusomesa abantu, ku kabi akali mu kino eri obulamu bwabwe, ngojeeko okubeera nti kimenya amateeka.