Bya Sadat Mbogo
Abatuuze ku kyalo Mpambire mu town council y’e Mpigi, baguddemu ensisi bwebasanze omulambo gw’omusajja nga gwasuuliddwa ku bbali g’oluguudo, oluva e Kampala okudda e Masaka.
Omulambo guno gwa musajja ngatemera mu myaka 55, nga gubadde gwambuddwa engoye zonna nga gubunye n’enkwagulo, ekiteeberezebwa nti abaamusse bandiba nga baasoose kulwanagana naye.
Addumira police mu district ey’e Mpigi Joab Wabwire, azze nebaguggyawo negutwaliddwa mu gwanika ly’eddwaliro ekkulu e Mulago okwongera okwekebejjebwa.
Poliisi egamba nti okunonyereza kutandise
