Bya Abubaker Kirunda
Entiisa ebutikidde abatuuze mu Town Council ye Nankoma mu district ye Bugiri District bwebagudde ku mulambo gwomusomesa, abadde atemera mu myaka 28 nga gugangalamye mu nnyumba ye.
Prossy Naigaga abadde musomesa ku ssomero lya Itakaiboru P/S mu district ye Bugiri.
Kino kidiridde abatuuze okwebuuza oluvanyuma lwomukyala ono okubula ebbanga, atenga omwana we abadde awulirwa munda ngakaaba olutakoma.
Omwogezi wa poliisi mu Busoga East James Mubi akaksizza nti omulambo gujiddwayo era negutwalibwa mu ddwaliro e Bugiri okwekebejjebwa.