Poliisi e Mubende ekute agambibwa okubeera omuyekeera w’ekibinja kya M-23 nga bano bebazze balumba eggwanga lya Congo.
Ono asangiddwa mu kitundu kye Lusaalira mu gombolora ye Kibalinga ng’asangiddwa n’ebyambaalo by’amaggye ga M-23 n’ekibundu kimagezi maganda.
Ono ategerekese nga Emmanuel Hakuzimana ng’aweza emyaka 17 nga era okugombwamu obwala kigambibwa nti abadde anonye mmere mu bitundu by’e Lusaalira okugitwalira banne abali mu kitundu kyatayatuukirizza.
Kati ono awezezza omuwendo gw’abantu babiri abakakwatibwa nga bonna bayekeera ba M-23 mu bitundu by’e Mubende.
Omuddumizi wa polisi e Mubende Joseph Engulu agambye nti bakyanonyereza ku bantu bano abateeberezebwa okuba nga beeyongedde nnyo mu Mubende nga waliwo okutya nti bayinza okwekunga n’ebakola obulabe ku ggwanga.