Bya Ritah Kemigisa
Poliisi eweze okuyisa ebivvulu, mu kwaniriza omubaka wa Kyadondo East mu palamenti Robert Kayagulanyi Ssentamu amanyiddwa nga Bobi Wine agenda okukomawo kuno olunnaku lwenkya okuva mu gwanga lya America.
Abekisinde kya People Power nga bakulembeddwamu eyali omubaka Mike Mabike olunnaku lwe ggulo balangiridde, entekateeka zokwaniriza omubaka Kyagulanyi, omuli okutambula okuva ku kisaawe e Entebbe nokusaba e Wampeewo okutandika ne ssaawa 4 ezokumakya.
Akati bwabadde ayogera ne banamwulire ku kitebbe e Naguru mu Kampala, omwogezi wa poliisi mu gwanga Emilian Kayima agambye nti baakitegeddeko nti waliwo abagenda bagaba zzi T-shirt emyufu, okwaniriza omubaka ono.
Wabula Kayima agambye nti tewali waluganda lwa Bobi Wine yabatukirddeko ku ntekateeka zino, era tewali gwebakiriza okubaako yakola.
Kayima agambye nti emirimu mu kibuga gyakutambula nga bulijjo, era nasaba abantu babulijjo okugoberera amateeka.
Agambye nti Bobi Wine abakuuma ddembe bebajja, okumuwerekerako okuva ku kisaawe okumutuusa mu maka ge.
