Abavubuka b’ekibiina kya NRM abeyita abaavu babakanye nekawefube w’okukunganya emikono egy’okukangavvula ssentebe w’ekibiina kyabwe.
Bamusaayi muto bano balumiriza pulezidenti Museveni nti emirimu gimulemye,nga atonzeewo n’obukundi mu kibiina kyabwe.
Nga bakulembeddwamu omukwanaganya waabwe Hussein Kato, abavubuka bano bategezezza nga pulezidenti Museveni bweyalemererwa okuwa embalirira ku nsimbi ezasondebwa okuzimba ekitebe ky’ekibiina n’ okukoesa obubi ofiisi ye n’ayita ababaka ba palamenti bamuwagire yesimbewo yekka awatali amuvuganya nga kino bagamba kitemyetemyemu ekibiina.
Abavubuka bano tebakomyeko nebategeeza nga Museveni bw’akozesa minisita w’abavubuka Evelyn Anite okwawula mu kibiina kyabwe n’okumukubira kampeyini nga obudde tebunatuuka.
Kino kizze wakayita olunaku lumu lwokka nga abavubuka abawagira pulezidenti Museveni kyebajje bemulugunye eri akakiiko ka NRM akakwasisa empisa nga bgaagala eyali Ssabaminisuita Amama Mbabazi agobwe mu kibiina lwakukitematemamu.
Ye munnamawulire wa pulezidenti Tamale Mirundi abavubuka bano abayise bakazanyirizi abatamanyi kyebakola.
