Bya Ben Jumbe
Ekitongole eky’omusalaba omumyufu ekya Uganda Red Cross kitegeezeza nga bwekyetegese okuwereza obuyambi bwonna obwetagusa eri abantu nadala e Kabowa wano mu Rubaga division eri abantu abaalumbiddwa ekirwadde kya Cholera.
Kinajukirwa nti olunaku lw’eggulo minisitule ekola ku by’obulamu yakakasiza nti waliwo abantu 8 abakuumidwako eriiso , nga bateberezebwa okubeera n’ekirwadde kino, kyoka nga babiri okunonyereza okusooka kulaze nti kituufu balwadde.
Twogedeko naayogerera ekitongole kino Irene Nakasiita naagamba nti bagenda okusindika abakugu baabwe okusomesa abantu naddala mu bitundu omusuubirwa okulumbwa ekirwadde kino ku butya bwebayinza okwewala ekirwadde kino.
