Eyesimbyeewo ku bukulembeze bw’eggwanga John Patrick Amama Mbabazi alabudde poliisi ku kulemesa abantu okubaawo mu kulonda kwonna nga bamaze okusuula kalulu.
Mbabazi asabye abawagizi be obutava webalondera okutuuka ng’omuwanguzi alangiriddwa
Ng’ayogerako eri bannamawulire mu maka ge e Kololo, Mbabazi agambye nti abalonzi balina eddembe okugoberera okulonda era abali mu by’okwerinda tebasaanye nabo kumenya mateeka.
Mbabazi wabula agamba nti bino byonna bigendereddwamu kutiisatiisa bantu butalonda nga bwegwaali mu mwaka gwa 2011.
Bbo aba DP nabo bavumiridde akavuyo akaabaddewo olunaku lwajjo akavuddeko okufa kw’omuntu.
Omwogezi wa DP Kenneth Paul Kakande agamba nti keekadde ssenkaggale wa poliisi Gen Kale Kaihura aveeyo yetondere bannayuganda olw’ebyabaddewo.
Ne bannakyeewa nno bakangudde ku maloboozi nga bagamba nti eryaanyi erisusse teryetaagisa
Abalondoola okulonda okuva wano mu Uganda nga bakulembeddwaamu Dr Livingstone Ssewanyana gamba nti kyannaku nnyo nti ng’ebula olunaku lumu lwokka okulonda kubeewo, omusaayi gwatandise dda okuyiika.
SSewanya asabye buli gwekikwatako okugoberera amateeka olwo okulonda kuggya kutambula bulungi.
