Amawulire

Mwanjule obugagga bwammwe- Kaliisoliiso

Kaliisoliiso wa gavumenti mukyaala  Irene Mulyagonja  asabye abakulembeze bonna okwanjula eby’obugagga byabwe nga bwekirambikiddwa mu mateeka.

Nga asisinkanyemu omukubiriza w’olukiiko lw’eggwanga olukulu  Rebecca Kadaga amakya galeero, mukyaala Mulyagonja ategezezza nga abakulembeze bwebatalina kusukka nsalesale wa nga 31 omwezi guno nga tebanabirangirira.

Mulyagonja era asabye gavumenti okuteekawo amateeka agalina okugobererwa abakulembeze ku by’obugagga bwabwe  olwo kimuwewule ku mirimu gye nga abalondoola.

Etteeka lino liragira abakulembeze bonna okuwaayo eri kaliisoliiso wa gavumenti ebikwata ku by’obugagga byabwe nebyebasasanyizaako ensimbi mu myaka 2.

Omu ku baaloza ku bukwambwe bw’obutayanjula byabugagga byabwe ye mubaka wa Rubaga South Ken Lukyamuzi bweyagobwa mu palamenti.