Pulezidenti Museveni kyaddaaki avuddemu omwasi ku nsonga z’omukuumi wa Amama Mbabazi eyabuzibwaawo.
Pulezidenti ng’ayogerako eri bannamawulire agambye nti balina amawulire agesigika nti Aine yekukumye era nga mukama we Mbabazi amanyi gy’ali
Pulezidenti awakanyizza ebigambibwa nti Aine ono yafiira mu mikono gya poliisi nga bwebibadde bitandise okuyitingana.
Amusabye okuvaayo gyeyekukumye kubanga famire ye naddala nyina bali mu bulumi.
Museveni kyokka agambye nti Aine w’alabikirako, bakumuggulako emisango gy’okukuba abawagizi ba NRM e Ntungamo.
Yye owa Go-forward Amama Mbabazi ayagala poliisi efulumye omulambo gwa Aine mu bwangu ddala.
Kigambibwa nti Aine yafa oluvanyuma lw’okutulugunyizibwa ennyo era omulambo gwe negusuulibwa e Mulago.
Wabula poliisi olunaku lwajjo yekebezze emirambo egiri e Mulago ngeri wamu ne Famire ya Aine kyokka nebatasangayo mulambo gwe.
Mbabazi agambye nti ensonga eno ya poliisi era erina okufuba okulaba nti ekolebwaako.
