Amyuka Lord Mayor akwatiddwa nga yekalakaasiza ku nguudo z’ekibuga

By Abubakar Lubowa
Poliisi ya CPS wano mu Kampala eyodde era neggalira banna byabufuzi Doreen Nyanjura ne Ingrid Turinaawe bwebabadde batambula ku nguudo nga bawakanya ekyokukuumira donctor Kizza Besigye mu komera.
Bano babadde n’abantu abalala ababadde bakutte ebipande ebiriko obubaka obusaba okuyimburwa kwa Dr. Besigye awatali wadde akakwakulizo.
Bano babasanze mu bitundu bya Arua Park mu kibuga Kampala.
Bano begasse ku banna kibiina ki FDC okuva e Ishaka mu district y’e Bushenyi abakedde okweyiwa ku nguudo z’ekitundu ekyo nga nabo baagala gavumenti eyimbule Dr Besigye okuva mu nkomyo gyakuumirwa.
Bano era babadde basaba banna diini okweyunga ku mugendo guno ogw’okulwanilira obw’enkanya.
Dr Besigye wetwogerera nga asiiba n’okusla enjala era nga kikakasiddwa nti yatwaliddwako mu dwaliro neyekebejjebwa abasawo okumanya butya bwayimiridde n’oluvanyuma yazziddwa mu komera e Luzira.
Dr. Besigye avunaanibwa emisango egy’ekuusa ku by’okwerinda kw’eggwanga Court y’amagye wadde nga byonna ebimwogerwako abyegaana.
Minister w’eby’amawulire Chris Baryomunsi, yategeezezza nga bweyakyaliddeko Dr. Besigye namusaba addemu okulya nga bwebakola ku nsonga z’okukyusa omusango gwe okuguzza mu court ewozesa abantu baabulijjo nga Court Ensukkulumu bweyasalawo