Abantu abasoba mu 26 beebattiddwa mu bikujjuko by’okwaniriza omwaka omuggya okwetoloola eggwanga lyonna.
Okusinziira ku poliisi , tewabaddewo nnyo mivuyo giri awo yadde nga mu bitundu ebimu waliwo ettemu eryalabiseeko.
Omwogezi wa poliisi mu mu ggwanga Fred Enanga agamba nti okufa okusinga kwekuusa ku bukubagano mu maka n g’abantu munaana beebabufiiramu ate bana bbo battibwa abantu abatwalira mu ngalo.
Mu ngeri yeemu,Poliisi y’ebidduka mu disitulikiti ye Gomba efulumizza alipoota ku bubenje obubadde mu mwaka oguyise ogwa 2015.
Okusinziira ku aduumira poliisi y’ebidduka ku luguudo olwa Butambala – Gomba, Olivier Kakaayi, obubenje bwebafuuna bwaali 38, nga ku bwo 13 bwabadde ddekabusa omwafiiridde abantu 7 okuli n’abayizi b’essomero 3 sso ng’ate obulala bwabadde busaamusaamu.
Afande Kakayi agambye nti mu myezi ebiri egisembyeyo, obubenje bweyongera nga kyava ku bavuzi ba bodaboda okuvuga endiima naddala mu biseera by’okwewandiisa kwa bannabyabufuzi.
Akubirizza abagoba b’ebidduka okubeera abegendereza ku nguudo naddala mu kaseera nga oluguudo oluva e Mpigi okutuuka e Kanoni mu Gomba lukolebwa.