Bya Kyeyune Moses.
Abaali ba nyini ba banka eya Global Trust Bank eyaggalwa badukidde mu kakiiko akanonyereza ku mivuyo egiri mu banka eno enkulu aka COSASE nga baagala baliyirirwe obuwumbi 316 olw’okubaggala mungeri gyebagamba nti emenya amateeka.
Bano leero balabiseeko mu kakiiko kano nga bagamba nti amakubo agaayitwamu okuggala banka yaabwe tegaali matuufu, kale nga baagala.
Banka eno eya Global Trust Bank yagalibwa nga 25th July 2014 olwobutaba na nsimbi zimala kugitambuza n’okusasula amabanja gaayo.
Akakiiko kakizude nti nga banka eno tenatundibwa, ayali akulira ebya banka z’ebyobusubuzi mu banka enkulu Justine Bagyenda yasooka kukubira banka ya DFCU nga abategeeza nga bwalina eby’amagguzi byatunda, okukakana nga agibawadde.
Bayo Folayan, eyali akulira banka eno awakanyizza ebya banka enkulu byegamba nti baali bagudde, naagamba nti ensimbi baazirina, wabula kyabakuba wala okulaba nga batundiddwa.
