Bya Getrude Mutyaba.
Poliisi mu greater Masaka ekwasizza abasirikale saako n’abatuuze b’eMukoko mu gombolola y’eBukulula mu district ye Kalungu ensimbi obukadde ekkumi ezaasuubizibwa Ssenkulu w’amakomera singa banaakwata abasibe babiri okuli Muhammad Kiddawalime ne Musa Galiwango abaatoloka mu kadukulu ka kooti
Omuduumizi wa poliisi mu bendobendo ly’e Masaka Latif Zaake yabakwasizza ensimbi zino .
Kinajukirwa nti mukiro ekyakeesa olw’okubiri, abatuuze bakakkana ku Kiddawalime nebamutta oluvannyuma lw’okulumba Omusawo ku dwaliro lya gavumenti erya Bukulula Health Centre IV Resty Nakyambadde.
Zaake asabye abatuuze okwongera okukolagana ne police mmu kutebenkeza egwanga
