Bya Sadat Mbogo
Poliisi mu district y’e Gomba ekutte basajja baayo 2 ababadde bakuuma ekitebe kya district y’e Gomba mu tawuni kanso ye Kanoni ku bigambibwa nti babadde mu kkobaane ku babbi abayingiridde wofiisi eziwerako nebabba kompyuta 7 n’ebyuma ebifulumya ebiwandiiko oba printer.
Okusinziira ku Lydia Tumushabe ayogerera police mu bitundu bya Katonga, abakwate bakuumibwa ku poliisi y’e Kanoni nga bakyabakunya wakati mu kunonyereza okugenda mu maaso.
Akulira abakozi e Gomba John Nyakahuma, agambye nti computer n’ebyuma ebifulumya ebiwandiiko byabbiddwa okuva mu wofiisi ye, ssonga n’ezimu zabbiddwa okuva mu wofisi yabatwala ebyobutonde bwensi, eyebyentambula neyavunayizibwa ku kukugul nokutunda ebintu.
Nga kigambibwa nti ebyuma bino okubbibwa, ababbi baasoose kumenya n’okwasayasa endabirwamu z’amadirisa, olwo nebeesogga munda mu matumbi budde mu kiro ekyakesezza olunnaku lwe ggulo.