Bya Ivan Ssenabulya,
Senkagale wekibiina kya National Unity Platform Robert Kyagulanyi mukakafu nti bannauganda bakukolera wamu okwetakuluzako gavumenti ya NRM.
Kyagulanyi akalambidde nti yeyawangula akalulu kobwa pulezidenti akaliwo nga 14th January 2021 wabula obuwanguzi bwe bwamunyagibwako.
Ono agambye nti yadde nga bakyagenda mu maaso nokwebuuza eri abakulembeze be kibiina wabula akkiriza nti kooti eramula amazima ye munnauganda.
Akakiiko ke by’okulonda kalangirira YK Museveni ngomuwanguzi mu kulonda okwaliwo nga January 14th polls nóbululu 58.6% ate munna NUP Robert Kyagulanyi nakwata ekyokubiri 34.8%
Sentebe wa kakiiko ke byokulonda Simon Byabakama yategeeza nga akalulu kano bwekaali akamazima nobwenkanya.