Poliisi ye Kibinge mu disitulikiti ye Bukomansimbi eri ku muyiggo gw’ababbi abatanaba kutegerekeka abaalumbye ebyalo ebyanjawulo nabanyagulula abatuuze.
Ssentebe w’egombolola ye Kibinge Sowedi SSerwadda agamba ababbi bano okusinga banyaguludde sitoowa z’emmwanyi.
Omu ku basinze okukosebwa ye Patrick Kibirige gwebabbyeko ensawo z’emmwanyi 20 nga ne Patrick Sseruyange bamubyeko emmwanyi ezibalirwamu obukadde obusoba mu 2.
Ssentebe Sserwadda agamba batebereza okuba nga ababbi ababatigomya bava Masaka ne Kalungu.
Kati abasuubuzi basabye poliisi eyongere ku nnawuna zaayo okukendeza ku bubbi bw’emmwanyi.
Omwogezi wa poliisi mu bukiika ddyo bw’eggwanga Ibin Ssenkumbi akakasizza obubbi buno n’ategeeza nga okunonyereza bwekugenda mu maaso ku nsonga zino
