Bya Ivan Ssenabulya
Abakozi mu kkolero lyemitayimbwa erya Tembo Steels Uganda Ltd e Lugazi amakumi 50 bali mu ddwaliro oluvanyuma lwekyuma ekyajidde mu bikadde oba Scrap okwabika nekivaamu omukka ogugambibwa nti gwa butwa, ekyaviriddeko abakozi okuziyira.
Bino byabaddewo ku Sunday, ngabakoseddwa bali mu ddwaliro lya Joska Medical Centre e Lugazi.
Enjega eno yabadde mu kiffo omusanusizibwa ebyuma ebikadde, nga kati bano bagamba bafuna obuzibu mu kuissa.
Wbula banakyewa aba Universal Human Rights Defenders and Activists-Uganda basabye abakulembeze mu district ye Buikwe okufaayo ku mbeera yabakozi mu kampuni eno.
Akulira ekibiina kino e Buikwe Kampuni Sulaiman Mayanja annyonyodde nti guno ssi gwemulundi ogusoose kino okubaawo, ngabakulembeze bagwana okuyingira mu nsonga.
Wabula omwogezi wa Kampuni eno David Musenze akaksiszza akabenje kano, nategeeza nga bwewataaliwo mukozi yafudde nga bajanjabibwa.