Bya Gertrude Mutyaba
Omwogezi wa poliisi mu bendo-bendo ly’eMasaka Afande Lameck Kigozi agumizza abalamazi abagenda e Namugongo abatandise okutambula nti eby’okwerinda biri ggulu ggulu.
Kigozi abadde awayaamu naffe naategeeza nti wabaddewo okutya mu balamazi ab’enjawulo olw’obunkenke obubadde mu kitundu kya greater Masaka kyokka naagamba nti nga poliisi basobodde okussa abasirikale ku nguudo abalamazi webanaayita okusobola okubawa obukuumi obumala.
Kigozi wabula asabye abantu okutambulira nga mu bibinja kino kibayambeko obutabeera mu buzibu.
Afande Kigozi era akubirizza abalamazi okwewala okuyita mu bukubo obumanyiddwa nga ppanya wabula bakozese enguudo poliisi kwesuubirwa okuyita ez’okungulu.
