Bya Sadat Mbogo.
Omubaka wa president mu district ey’e Gomba Ruth Sabbiiti Kashaka, avuddeyo n’ayogera ku Mayirungi ageeyongedde okulimwa mu kitundu kino nga agaviirideko obumenyi bwamateeka okweyongera.
Ono agamba nti abatuuze mu kabuga k’e Kanoni amayirungi gabatabula emitwe, kale ekiddako kuba kukola misango , gamba nga okusobya ku baana abakyali abato nebirara.
Ono agamba nti amayirungi n’enjaga bisinga kulimibwa mu ggombolola y’e Kabulasoke, Bukandula n’ebitundu ebyetoolodde omugga Katonga.
Kati ono alagidde police esitukiremu mu bwangu ekole ebikwekweto ekwate bonna abeenyigidde mu kulima amayirungi n’enjaga.
