Abasawo ku ddwaliro lye Abim abaalambuza akwatidde ekibiina kya FDC bendera Dr Kiiza Besigye eddwaliro lino nebamulombojjera embi gyebakoleramu boolekedde okukangavvulwa.
Sister Santina Adong ne banne bebolekedde okukangavvulwa olw’okulambuza Besigye eddwaliro lino ewataali musawo yadde bakulu kukola ku balwadde mu kiseera ekyo.
Besigye nga yaakavaayo, gavumenti yaweereza obukadde 700 okuddabiriza eddwaliro lino.
Kati mu bbaluwa eteereddwako omukono gw’akulira abakozi mu disitulikiti eno Moses Kaziba Nandala, Adong ne banne baamenya amateeka agabafuga nga abakozi ba gavumenti.
Nandala kati asabye Adong yewozeeko lwaki talina kuvunaanibwa oluvanyuma lw’ekikolwa ekyo.
