Poliisi ekwataganye n’abasogozi b’omwenge aba Nile breweries limited okubangula abatunda omwenge ku nkola entuufu ey’okukolamu omulimu gwaabwe.
Esiibye Namasuba, Najjankumbi ne Zana.
Atwala poliisi ye Kajjansi Anthony Nkesiga agamba nti kino kigendereddwaamu kuyamba bantu abanywa omwenge naddala abakozesa oluguudo olwo.
Nkesiga agamba nti engeri oluguudo luno gyeruliko ebifo ebikyakalirwaamu ebingi, abantu abasinga abaluvugirako baba batamidde kale ng’abatunda omwenge basobola okuyambako mu kulemesa abagunywedde okuvuga.
Yye omukungu mu kkampuni ya Nile breweries Ronald Mayanja agamba nti enteekateeka bakujongerayo ne mubifo ebirala nga balina essuubi nti yakuyamba okukendeeza obubenje, obukubagaano mu maka n’obwavu.
Twogeddeko era n’abatunda omwenge nga bagamba nti bbo bulijjo basinga obuzibu okumma ba kasitoma baabwe omwenge kyokka nga kati bakukyusaamu.
