Bya Sam Ssebuliba
Abalonzi baguddemu ekyekango omusajja bwamaze okusuula akaululu ke nanogoka nagwa nafa.
Bino bibadde ku ssomero lya Lela Primary School mu ssaza lya Kisumu mu gwanga lya Kenya wakati mu kulonda okugenda mu maaso.
Patrick Atindo asoose kugwa, wansi naddusibwa mu ddwaliro lya Ahero, ngono asoose kukaaba nga bwalumizibwa mu kifuba.
Mutabani wa namukadde ono Silvanus Ouma, ategezezza abomukutu gwa Nation.co.ke nti kitaabwe yazukuse ssaawa 11 nga malamu nnyo, nga yesunga kulonda kyakoze, oluvanyuma nasibula ensi eno.
Yye Namwandu Mary Atinda, ngabadde awerekeddeko bbaawe aguddewo ekigwo, kabiite we bwafudde.
Mungeri yeemu waliwo omukazi azalidde mu kifo ekimu awalonderwa mu ssAza lye Pokot songa omulala avuddemu olubuto.
Omukyala atendewaliddwa oluvanyuma lwokusimba layini okumala essaawa 3 ku ssomero lya Konyau Mixed Secondary School mu mmabuka ga Pokot okusinziira ku bannaffe aba daily nation.
Okusinziira ku mubaka wekitundu kya Kapchok, Peter Lokor omukyla ono abadde asulirira kuzaala, wabulanga asoose kusuula kalulu ke oluvanyuma ebisa bwebizze nazaala.
Embeera yeemu eyakajagalalo ebadde ku Kuwit polling center omukazi bwavuddemu olubuto, oluvanyuma lwokulonda.
