Bya Musasi Waffe
Poliisi mu disitulikiti ye Luweero enyuludde omulambo gwomusajja ogubadd guwagamidde mu mugga, oluvanyuma lwakebenje akagudde ku kyalo Ngogolo ku luguudo oluva e Kampala okudda e Gulu.
Akabenje kano ketabiddwamu mmotoka kika kya probox namba UBG 865/H eya Securex Engineering services.
Omugoba wemmotoka eno yamulemeredde neyerindiggula ekigwo mu mugga.
Omugenzi ye Robert Eryati nga yoomu ku babadde mu mmotoka eno, atenga abalala ababadde mu mmotoka okubadde Silver Oringa ne Donald Adriko babuuse nebisago.
Omuddumizi wa poliisi e Luweero Patrick Maikula ategezezza banaffe aba Daily Monitor nti omulambo gutwaliddwa mu gwanika lyedwaliro e Luweero atenga okunonyereza kugenda mu maaso.
