Abakulira eddwaliro ly’e Mulago baliko alongoosa gwebakutte lwakubba bikosesebwa mu ddwaliro lino ebibalirirwamu obukadde bwa siringi butaano.
Akulira abalondoola eby’obulamu okuva mu maka g’omukulembeze w’eggwanga Moses Talemwa akakasizza okukwatibwa kw’omusajja ono.
Omukwate ategerekese nga Paul Kitanda omukozi mu kampuni erongoosa eya Norema cleaning services.
Ebintu by’abadde abba kuliko gilaavu, empiso n’ebirala nga kitegerekese nga bino abadde abifulumya eddwaliro emirundi ebiri mu mwezi.
Taremwa awadde abakulira amalwaliro ga gavumenti amagezi okukyusa kyusa abalongoosa buli kiseera okwewala bano okumanyiira ekifo nebatuuka n’okugyamu engalo y’omukaaga.