Amaggye ne poliisi wetwogerera nga beebulunguludde amaka g’abadde ssabaminisita John Patrick Amama Mbabazi.
Emotoka za poliisi bbiri zisimbye ebweru ate nga munda namwo mulimu bannamaggye ne poliisi.
Amaka agoogerwaako gasangibwa ku luguudo olumanyiddwa nga Kal e Kololo.
Amaggye gakulembeddwaamu Brig Leo Kyanda nga bano tukitegedde nti bagezaako kujjako Mbabazi bakuumi bannamaggye okuzzaawo aba poliisi
Okusinziira ku muwala wa Mbabazi, Nina Mbabazi, abajaasi bano batuuse ku ssaawa mwenda kitundu era nebatandika okukola ogwaabwe
Bino byonna okubaawo nga Mbabazi ne mukyala we tebaliiwo
Omwogezi w’amaggye g’eggwanga Lt Col Paddy Ankunda akakasizza nga bwebagenze okujjayo amaggye gaabwe poliisi eddeyo
Bino bizze nga Mbabazi tannaweza na wiiki ng’agobeddwa ku bwa ssabaminista
