Poliisi mu Kampala etandise okunonyereza ku muyizi w’ettendekero lye Nkumba asangiddwa ng’afiiridde mu muzigo gwe enkya ya leero.
Michael Irra ow’emyaka 24 abadde asula mu kisulo ekimanyiddwa nga M-hostel era nga mikwano gye egikedde okumukyalira gyegigudde ku mulambo gwe.
Omwogezi wa poliisi mu kampala n’emiriraano Patrick Oyango agambye nti omulambo gw’omuvubuka ono tegubaddeeko yadde ekiwundu.
Poliisi ekwataganye n’abatwala ekisulo kino kko n’ettendekero okutegeera ekiyinza okuba nga kyekyavuddeko omuyizi ono okufa
