Abantu bataano kikakasiddwa nti beebafiiridde mu kabenje ku luguudo oluva e Mbale okudda e Mbale.
Akabenje kano kagudde ku kyaali Jami ekisangibwa e Kamonkoli mu dsitulikiti ye Budaka.
Abeerabiddeko n’agaabwe bagamba nti baasi ya Uganda Cranes ebadde eva e Soroti ebuseeko omupiira olwo n’etandika okutagala ng’eno gy’esanze taxi n’egikuba n’ettamu abantu batanao.
Abafudde bonna babadde mu taxi era nga bangii abalala baddusiddwa mu ddwaliro nga biwala ttaka.
Atwala poliisi ye Bukedi Paul Okongo agambye nti akabenje kano kavudde ku baasi ya Uganda cranes ebadde edduka ennyo okuvaako omupiira
Mu kabenje kano, abazannyi ba Uganda Cranes basatu balumiziddwa.
Abalumiziddwa kuliko Dennis Okot , Isaac Muleme ne Kezron Kizito.
Omukungu mu FUFA Hassan Kirunda, ategeezezza nti abalumiziddwa baddusiddwa mu ddwaliro e Mbale okujjanjabwa
