BYA Damali Mukhaye
Amyuka ssenkulu wa yunivasite y’e Makerere Proffessor Ddumba Ssentamu ategezezza nga ebbaluwa eyimiriza Dr. Stella Nyanzi’s bweyawedde edda okuwandiikibwa era balinda kugimuwa.
Wiiki ewedde ssentebe w’akakiiko akawandiisa abakozi e Makerere Bruce Kabaasa yawandiikira prof. Ssentamu nga amulagira okuwumuza Dr Nyanzi mbagirawo olw’okuvvoola mukomukulembeze w’eggwanga era minisita w’ebyenjigiriza Janet Museveni ku mutimbagano gwa yintaneti.
Prof Ddumba atutegezezza nti yagondedde dda ekiragiro kino n’awandiika ebbaluwa eno nga kati eri w’akulira ensonga z’abakozi ku yunivasite alina okusalawo ekiddako.
Ye Stella Nyanzi agamba tatidde wabula nga tanafuna bbaluwa yonna emuyimiriza naye nga agilinze.
Nyanzi nga ajukirwa nyo okweyambulira ku yunivasite nga akaayanira ofiisi ye azze akolokota mukyala Museveni olw’okutegeeza palamenti nti gavumenti terina nsimbi zigulira bawala pad zebakozesa nga bali mu nsonga zaabwe sso nga pulezidenti Museveni y’ali asuubizza okuzibawa.