Bya Ivan Ssenabulya, Kyeyune Moses, Benjamin Jumbe ne Paul Adude
Omubaka wa Kyadondo East Robert Kyagulanyi Ssentamu amanyiddwa nga BOBI WINE, akomyewo okuva mu gwanga lya America gyabadde ajanjabibwa.
Ono atuuse ku kisaawe Entebbe ngali neyali akulira oludda oluvuganya gavumenti mu palamenti omubaka Winnie Kiiza, wabula nakwatibwa poliisi yokukisaawe ngoluvanyuma kitegezeddwa nti baamutwala mu maka ge e Mgere.
Olunnaku olwe gulo poliisi yweze okuyisa ebivvulu, nebawera nti tebajja kukiriza kukuba lukungaana lwonna mu kwaniriza omubaka Kyagulanyi.
Mu kusooka munamateeka womubaka wa Kyadondo East, Asuman Basalirwa aganiddwa okugenda ku kisaawe Entebbe gyabadde alina okwaniriza omubaka ono.
Bwabadde ayogerako naffe Basalirwa atugambye nti newankubadde yeyanjudde eri abebyokwerinda nga munamateeka womubaka, tekibalobedde kumugoba.
Ono era atubuliidde nti abantu abawerako bakwatiddwa, okubadde banamawulire ne muganda wa Bobi Wine Eddie Yawe nabayimbi abalala.
Kkyo ekibiina ekirwanirirra eddembe lyabanamwulire ekya Human Rights Network for Journalists Uganda, kirabudde banamwulire, okubeera abengendereza mu mbeera egenda mu maaso mu gwanga, nga waliwo obunkenke ngomubaka Kyagulanyi akomawo olwaleero.
Ssenkulu wa HRNJ-Uganda Robert Sempala yalabudde, nti abamawulire bagwana okufaayo ku bulamu bwabwe.
Kino kidiridde banamwulire aababadde bakedde, Entebbe okusaka agakwata ku kudda kwa Bobi Wine okukwatibwa.
Yye omusasi waffe Paul Aude, oluvanyuma lwokuganibwa okuyira mu kisaawe, yetegudde mpola nadda ku Bayitababiri.
Ono atugambye nti ababkuuma ddembe, batambuliira mu mmotoka nga bwebayigga abamawulire nabantu babulijjo okubakwata.
ate ekibiina ekiri mu buyinza mu Uganda, National Resistance Movement kyegaanye nti tekimanyi ku T-shirt ezakubiddwa, ku madda gomubaka Robert Kyaggulanyi.
Mu kiwandiiko ekifulumye eri abamawulire, omwogezi wekibiina Rogers Mulindwa agambye nti T-Shirt zino eza ezawandikiddwako ‘NRM Ghetto Youths’ ssi zakibiina.
Agambye nti tebakubyeko ku T-Shirt ezo, kalenga abakikoze bandiba nga babadde nekigendererwa okutatana ekibiina kyabwe.
