Enfuufu etasalako eremesezza ab’eddwaliro lye Masindi okukozesa ebyuma byebakagula.
Akulira eddwaliro lino Dr George Bateganya agamba enguudo ezetolodde eddwaliro lino zivaako enfuufu mpitirivu ekwatiridde ku byuma ebikebera endwadde n’ebya X ray kale nga kizibu okubikozesa kubanga enfuufu eno ebitta.
Anyonodde nti ekyuma kya X ray baakakifuna wabula tebasobola kukikozesa okutuusa nga enguudo baziyiye kolaansi.
Ssentebe wa disitulikiti ye Masindi Cosmas Byaruhanga agamba balambudde eddwaliro lino nebategeera obuzibu bwebayitamu kale nga baawandikidde dda eb’ekitongole ky’ebyenguudo bayiwe mangu enguudo zino kolaansi abalwadde bajanjabibwe.
