Bya Ivan Ssenabulya ne Shamim Nateebwa
Empologoma ya Buganda, Ssabasajja Kabaka Ronald Muwenda Mutebi 11 alabiseeko eri Obuganda, wali mu Ssaza lye erye Kyaggwe ku mikolo gyamefuga ga Buganda, Bulungi bwansi ne gavumenti ezebitundu.
Namungi womuntu eno yeyiye ku gombolola ya Ssaabaddu Nanfumbambi e Ntanjeru, ngomutanda ateredde ntende, era emikolo gigenda mu maaso.
Ssabasajja yakedde kukola dduyiro, okuva mu lubiri lwe ali e Ntenjeru naddauka mu bitundu ebyetoloddewo, ngabantu abamulabyeko ku makya basigadde mu ssanyu.
Bwezaali ennaku zomwezi 8 October 1962, Obwakabaka bwabweebwa independence, yeyakulemberamu amefuga ge gwanga Uganda eyawamu.
Omutanda yasuze mu ssaza lye lino, gyeyatuuse olunnaku olwe ggulo nalambula nemirimu ejikolebwa abantu egyenjawulo.
Yatuseeko ewa Geoffrey Ssebunnya ku kyalo Nakiyagi mu gombolola ye Kyampisi, omulimi asinga eyatwala engabo eya “Enkumbi ya Kabaka”.
Yatuseeko ku ssomero lya Jesjonny Day and Boarding P/S e Ngandu, natongoza amasanyalaze aga Bio Gas, ku ddwaliro lya Herona e Kisoga, essomero lyaba muzibe e Kisoga Salaama nawalala.
