Abatuuze mu magombolola okuli Budde ne Bulo mu disitulikiti ye Butambala basattira olw’envunza ezibalumbye.
Isma Ssebunnya omutuuze ku kyalo Waduduma village mu bulo agamba amaka agasoba mu 30 ku byalo okuli Mpanga, Waduduma ne Kaalo bebakoseddwa okuva mu November w’omwaka oguwedde nga okusinga abaana bebafuuse ba mabebbere.
Akola ku byenkulakulana by’egombolola ye Budde Hamza Ndawula agamba kati batandise okutalaaga ebitundu ebitali bimu nga bajanjaba abaakoseddwa.
Wabula ab’ebyobulamu envunza zino bagamba zivudde nyo ku bukyafu wamu n’okusula n’ebisolo nga emmese, embwa kappa n’enkoko.
