Bya Benjamin Jumbe ne Ivan Ssenabulya
Omuyizi owemyaka 17 abadde ykamala ebigezo bya S.4 akubiddwa ennyumba nafa.
Ganiru Walusimbi abadde muyizi ku ssomero lya Bright college Secondary School mu district ye Busia, ngenjega eno eguddewo mu kiro ekikesezza olwaleero.
Omwogezi wekitongole ekiddukirize ekya Redcross Irene Nakasiita agambye nti, ennyumba eno omwana mwabadde okugwa, kidiridde okunafuwa olwamazzi mu nkuba etonnya obutakya.
Bino bibadde ku kyalo Solo C mu Western Division mu munispaali ye Busia.
Kati agambye nti omugatte abantu 4 bebakafiira mububenje, obwekuusa ku nkuba.
Ate omukadde ow’emyaka 64 atudde ebibuuzo by’ekyomusanvu, oluvanyuma lwemyaka 47 nga tasoma.
Francis Sempala omutuuze mu Juuko Zone e Kibuye mu division
ye Makindye yali yasemba okusooma mu mwaka gye 1972.
Agamba nti abadde asanga okusoomoozebwa ngakolagana n’abaasoma kyokka nga yye teyasoma.
Ono yatuliidde ku ssomero lya St. Jude Nsona RC P/S, wabula agambye nti yafunye obuzibu kubanga abadde tasoma nabaana abalala, ngabaddenga yesomesa yekka mu mpapula z’ebigezo enkadde.
Wabula Sempala ngalina abaana n’abazzukulu, alina essuubi nti ajja kuyita.
