Landiloodi eyakuba omupangisa we emiggo n’amutta olw’okuganza muwala we addizidwaayo ku meere e Luzira.
James Lubayizi asimbiddwa mu maaso g’omulamuzi w’eddaala erisooka ku City Hall Elias Kakooza alagidde abasirikale b’amakomera bamuzze e Luzira okutuusa ssabbiiti ejja.
Wabula kino kiddiridde omuwaabi wa gavumenti Jackie Kyasimire okutegeeza kkooti nti okunonyereza ku musango guno kukyagenda mu maaso era n’asaba aweebwe olunaku olulala.
Lubayizi ng’alina amaka n’enyumba z’abapangisa e Kyebando kisalosalo agambibwa okutta Emmanuel Lukundo oluvanyuma lw’okumusanga nga yeegadanga ne muwala we n’amukuba emiggo noluvanyuma neyewaayo ku poliisi
