Bya Damali Mukhaye.
Abakulu mu kibiina kya FDC bategeezeza nga bwebaliko obuyambi bwebakunganyizza, nga buno bwebagenda okwetikka babutwale e Bududa okuduukirira bannayuganda abaakosebwa okubumbuluuka kwetaka okwali mu kitundu kino.
Kinajukirwa nti enjega eno yaleka abantu abasoba mu 40 nga bebaafudde, songa abalala nakakano tebalina wakusula.
Kati bwabadde ayogerako ne banamawulire wano e Najjanakumbi omwogezi w’ekibiina kino Ibrahim Ssemujju Nganda agambye nti baliko ebintu byebazze bafuna okuva mu bannayuganda ab’enjawulo, kale nga kati kyebagenda okukola kwekubitwalayo.
