KOOTI
Bya Ruth Anderah
Kooti enkulu ku mulundi ogwokusattu emmye Matthew Kanyamunyu okweyimirirwa.
Mu nnamula esomeddwa omumyuka womuwandiisi wa kooti, Rwatooro Muhendo, omulamuzi Yasin Nyanzi agobye okusaba kwa Kanyamunyu nga yesigamye ku nsonga nti ebbanga lyamaze ku alimanda tewali kikyuse, kebyo byeyasabirako okweyimirirwa emirundi egyasooka.
Ono omulamuzi amuwabudde nti wa ddembe era okugendera ddala mu maaso okusaba okweyimirirwa kubanga, kiri mu mateeka.
Matthew Kanyamunyu avunanibwa okutta Kenneth Akena mu November womwaka oguwedde e Lugogo nga kigambibwa nti yamukuba amasasi, oluvanyuma lwomugenzi okukalabula mmotoka ye.
Omulamuzi Nyanzi mu mwezi ogwokusattu yawa Cynthia Munwangari ne Joseph Kanyamunyu okweyimirirwa ate yye Mathew kooti negaana nti omusango okusinga gwetoloolera ku yye.
