Bya Shamim Nateebwa
Kamalabyonna wa Buganda Charles Peter Mayiga akyagenda maaso nokulambula e Gombolola ya Musaale Busukuma.
Katikkiro yalambudde ebitundu okuli embuga y’egombolola Musaale Busukuma, Out Span P/S, National Crops Research Resources Institute, Gayaza Road Triangle SS School, Twekembe Community Skills Development Centre. Nemirimu emiralal ejikolebwa eno.
Kati mu lunaku lwe olwokubiri, Katikkiro akubirizza abantu obutakoowa wabula beewayo okukola basobole okwejja mu bwavu.
Owembuga ategeezezza nti, Buganda erina okwekemba okusobola okudda ku ntikko kubanga kubanga teri agenda kujigagawaza, okujjako ffe kennyini nga tusitukiddemu.
Wano era asabye abantu okugabanang amagazi ku byebamanyi ne bannaabwe abalala, neyebaza nabantu ba Beene nti banyiikivu mu byebakola kuba abavubuka bangi abasula bakola emirimu egy’enjawulo ate nenkeera nebeerekereza enkolola.
Wabula annyonyodde nti obutali butebenkevu bwebuyinza okulemesa eby’enkulaakulana kubanga kino kireetawo okutya mu mitima gy’abantu ate kiremesa nebamusiga nsimbi okujja mu Uganda nga bawulira nti abantu babatta, nga munyeera.
Wano asabye Gavumenti enyweze eby’okwerinda, nabatta banaabwe bakwatibwe era babonerezebwe.
