Ettendekero lya Makerere lyeyongedde okukola obulungi mu nsegeka y’amatendekero agasinga okukola obulungi munsi yonna.
Okusinzira ku nsengeka empya ezikoleddwa ekitongole kya Centre for World University Rankings Makerere esenvudde ebifo 22 okuva mu kifo kya 891 mu mwaka gwa 2014 okutuuka mu kifo kya 869 omwaka guno.
Ensegeka zino zikoleddwa okusinzira ku mutindo gw’ebyenjigiriza,okunonyereza wamu n’okutendeka abayizi.
Mungeri yeemu Makerere kati ekwatta kya 3 mu Africa mu kunonyereza okusinzira ku kitongole kya Times higher education.
Amatendekero okuva mu ggwanga lya South Africa gegasinze okwefuga ebifo 15 ebisooka era ng’entendekero lya University of Cape Town lyerisinga mu Africa.
Etendekero lya Nairobi likwata kifo kya 8, kyoka nga n’amawanga amalala omuli Nigeria, Morocco, Ghana ne Egypt galina amatendekero agakoze obulungi.