Kyaddaaki minisita w’ebyettaka Daudi Migereko alabiseeko eri akakiiko akatekebwawo okulondoola emivuyo mu kitongole ky’ebyenguudo.
Migereko emirundi ebiri nga ayitibwa abitebye ku vvulugu mu kitongole kino n’obulyake mu mirimu gyakyo naye nga talabikako.
Migereko mu kiseera kino atereddwa ku ninga anyonyole ku by’okugaba ebyapa mu ntobazi n’ettaka ly’ekibira kye Kajansi ewazimbibwa oluguudo lwa Entebbe Express High way .
Minisita Migereko ategezezza akakiiko akakubirizibwa omulamuzi Catherine Bamugemerire nti ab’ebyekikugu mu minisitule ye bebalina okuneneyezebwa okufiiriza gavumenti obuwumbi 200 mu kuliyirira bananyini ttaka mu bifo bino.
Migereko ategezezza nga abakozi bano bwebayanguyiriza okufulumya ebyapa bino yadde nga y’ali abalabudde obuyanguyiriza.
