Bya Ruth Anderah
Waliwo abafumbo abaddukidde mu kooti enkulu mu Kampala nga bagala ekake eddwaliro lye Mulago nalukulira okubawa omwana waabwe owobuwala.
Immaculate Kyomugisha ne Jonathan Mutebi era bagala babaliyirire obukadde 300 olwebyo byebabayisizaamu.
Nga November 11th 2017 Kyomugisha yalumwa ebisa era ku ssaawa 2 nekitundu akakwungeezi nazaala omwana owobuwala.
Kyomugisha agamba nti omusawo eyamuzalisa Viola Namatovu yalagira nayazaala we agende aleete akaveera, okumulungoosa, wabula mu mpaaba yaabwe agamba nti nyazaala bweyadda yasanga omusawo abuzeewo nomwana.
Wabula bagamba nti nga November 13th omusawo ate yabakaka bakiteeke mu buwandiike nti omwana waabwe yali afudde, kyebali batanamayako.
Omukyala agamba nti mu gwanika tewaliiwo yadde obuwandiike bwonna obulaga ku kufa kwomwana.
Bano bawawabidde akulira eddwaliro ekkulu erye Mulago nomusawo omuzalisa Viola Namatovu ne ssbawolereza wa gavumenti.