Bya Damalie Mukhaye
Omukulembeze we gwanga Yoweri K. Museveni tanakiriza kulekulira kwa Jennifer Musisi Ssemakula ngabadde akulira emirimu gyekikugu mu Kampala.
Musisi yawandikira mukama we ebbaluwa era eyamulonda Presidenti Yoweri K. Museveni mu October namutegeeza nga bwagenda okulekulira, nganokolayo ensonga ezenjawulo.
Wabula minister wa Kampala Betty Kamya, agambye nti president Museveni olwaleero werwatukidde nga tanakikiriza, nga nabo bakyalinze ekiddako.
Bino bibadde ku mukolo Jennifer Musisi bwabadde awaayo wofiis eri minister wa Kampala.
Ku mukolo guno, ategezezza nga bwawaddyo ekibuga, ekirungi okusinziira ku bweyakisanga emyaka 7 emabega, era nasaba abasigaddewo okukuuma Kampala obulungi.
Agambye nti waddenga agenze bbo abakozi bekitongole bakusigalawo.
Mu byawaddeyo kuliko accounta zekitongole 13 okutudde obuwmbi 113 nomusobyo, ebyappa bye ttaka 250, olukalala okuli abakozi, polojekiti oba emirmu egyenjawulo ejibadde jikolebwako, alipoota ezikwata ku bbinu lya KCCA, eryamanyika ennyo nga Carnival, Seal zekitongole nebirala.
Wano era minister wa Kampala Betty Kamya amutenderezza olwomulimu amakula gwakoze mu Kampala.
Kamya amwogeddeko ngabadde omukozi, atenga akola mungeri eyekikugu, ngamateeka bwegamulambikira.
Wabula Betty Kamya agumizza egwanga nebana-Kibuga nti waddenga Musisi agenze tewagenda kubaawo muwaatwa gwonna mu kubatusaako obuwereza kubanga abakozi abasinga basigadde.
