Nambooze bamututte mu kooti

Bya Ruth Anderah

Omubaka owa munispaali ye Mukono Betty Nambooze avunaniddwa mu kooti e Nakawa emisango gyokukuma omuliro mu bantu.

Nambooze okumutuusa mu kooti bamuletedde mu Ambulance, okuva ku kitebbe kyabambega ba poliisi e Kibuli gyeyabadde ayaitiddwa.

Nambooze  tasobodde kuyingira mu kaguli, olwembeera ye ngatambulira mu kagaali, olwobuvune bweyafuna natwalibwa ne bweru okujanjabibwa.

Wabula omulamuzi Noah Sajjabi amukirizza okweyimirirwa, ku kakalu ka bukadde 5 ezitabadde za buliwo.

Ate abamweyimiridde bakusasula obukadde 10 ezitabadde za buliwo, nga wakudda nga 27^th omwezi ogujja.

Oludda oluwaabi olukulembeddwamu Deborah Itau, Nambooze nga 9^th June 2018 alina byeyawandiika ebyakuma omuliro mu kutibwa kwomubaka we Arua Ibrahim Abiriga.