Poliisi ng’eri wamu ne minisitule ekola ku by’entambula etandise ku kawefube w’okukaliga ebibonerezo eri abamenya amateeka g’oku nguudo.
Kino kiddiridde poliisi okukizuula nti abazzi b’emisango gy’oku nguudo beyongera bweyongezi ekyongedde n’obubenje.
Kamisona wa poliisi akola ku by’entambula y’ebidduka Dr Steven Kasiima agamba nti bagenda kwongeza ssente z’engassi n’ebibonerezo eri abazzi b’emisango.
Kasiima agamba nti mu kadde kano beebuuza ku bekikwatako abenjawulo okuvaayo n’emiwendo emiggya nga gikwatagana.
Poliisi kyaddaaki efuney ebikwata ku bantu ababiri abafiiridde mu kabenje akaagudde ku luguudo lwa Ring Road e Mengo.
Akabenje kano kaaguddewo olunaku lwajjo kiloole namba UAN-0551S ekyabadde kitisse Amanda bwekyalemereddwa okuwalampa nekikoona abantu basatu nebafa.
Omwogezi wa poliisi mu kampala n’emiriraano Patrick Onyango agambye nti abagenzi kuliko Enoch Bwanika, Stanley Wamala n’omulala gwebatannaba kutegerekeka.
Onyango agambye nti kati bali mu kwekebejja motoka eyakoze akabenje okulaba oba ddala yabadde mu mbeera nungi.
Abatuuze ku kyaalo muwi e Matugga ku luguudo lwe Semuto balajaanidde ekitongole ekivunanyizibwa ku nguudo wamu ne gavumenti okubayamba ku luguudo olususseeko obubenje.
Kino kiddiridde akabenje akaabaddewo ekiro kyaleero omwafiiridde abalongo b’emyaka 3 nga bagamba nti oluguudo luno lususse okusala abantu.
