Bya Sam Ssebuliba
Okulonda mu palamenti ku bbago lyokujja ekkomo ku myaka gyomukulembeze we gwanga, kukyagenda mu maaso, mu lutuula oluzeemu akwungeezi kano.
Okulonda kuno kwa lwatu, ngababaka avaayo omu ku omu, okulonda ngawagira oba nga tawagira.
Wabula agavaay, kyewunyisa ngabamu balonda okuwagira abalala okuwakanya okwawukana ne bwebabadde basubirwa.
Ababaka bann-NRM 15 balonze wabula nga bawakanya ekyokujja ekkomo ku myaka gyomukulembeze we gwanga.
Ate owa FDC omubaka omukyala owa distrct ye Bukedea Anita Among nowe Kitgum Beatrice Anywar balonze nga bawahira okujja ekkomo ku myaka.
Bano ababiri okuva ku ntandikwa yomwaka guno babaddenga byebogera ku gavumenti nomukulembeze we gwanga Yoweri K. Museveni nga tebikyawulirwa bulungi.
Ebbago lino lyetaaga ababaka 289 okuwagira lisobole okuyitamu, ku babaka 435.
Mu biralala omukubiriza wolukiiko lwe gwanga oluikulu Rebecca Kadaga, ayogedde kungeri ababaka babiri, gyebakwatiddwamu ababadde bamuletedde ebiwandiiko ebivudde mu kooti.
Speaker agambye nti eteeka lya palamenti likugira kooti yonna, obutataganya mirimu gyolukiiko olwe gwanga olukulu.
