Akakiiko k’ebyokulonda kakoze enkyukakyuka mu nnaku z’okusunsula abagenda okwesimbawo ku bubaka bwa palamenti mu kalulu ka 2016.
Okusooka akakiiko kano kaali kataddewo ennaku z’omwezi okuva nga 9-10 November wabula kati bazijjuludde okudda ku nga 2 ne 3 December.
Ssentebe w’akakiiko k’ebyokulonda Dr .Badru Kiggundu agamba enkyukakyuka zino zibadde tezeewalika olw’embeera y’ebyobufuzi nayo ezze ekyukakyuka.
Kiggundu era ategeezezza nga akakiiko bwekawandiisa abalonzi obukadde 15 mu nkalala ezigenda okutandika okutimbibwa olunaku lw’enkya.
