Ensasagge nentiisa bigudde mu badigize ababadde bazze okulya obulamu bwebazudde omulambo mu mugga Ssezibwa e Kayanja mu district ye Mukono.
Omulambo gwomuwala atategerekese gulabiddwa abalambuzi ku Ssezibwa Resort akafo akasanyukirwamu, nga kisubirwa yaggwa mu biyiriro byamazzi ebisangibwa ku kyalo Busiba mu gombolola ye Nakisunga.
Wabbali wasangiddwawo essimu ye gyebakozesezza okukubira abantu be wabula abatanafunika.
Abatuuze ku mutala guno Busiba bakukulumidde abadukanya akafo ka Ssezibwa Resort nti balagajjavu tebawandiisa bantu abayingira okumanya ebibakwatako. Poliisi enyuluddeyo omulambo negutwalibwa mu gwanika lye ddwaliro e Kawolo.
