Bya Barbra Nalweyiso
Omusajja mu district y’e Gomba akubye mukaziwe akakumbi ku mutwe n’amutta, oluvanyuma n’amalamu omusubi.
Attiddwa ye Hadijah Nakayiwa ngabadde aweza emyaka 35 nga bba ow”emyaka 40 olumaze okumutta, omulambogwe n’agusibira mu kisenge mwebabadde basula.
Bino bibadde ku kyalo Maddu “B” mu town council y’e Maddu e Gomba.
Okusinziira ku Moses Kisaakye omu ku batuuze ku kyalo, ettemu omugenzi ne bba babadde baakamala mu bufumbo emyezi ebiri gyokka, nga nabo tebamanyi kiki kyabatanudde okutuuka okutta omugole.
Police omulambo eguggyewo negutwala mu ggwanika ly’eddwaliro e Gombe mu district y’e Butambala okwongera okwekebejjebwa.
