Poliisi e Mukono ekutte omukulu w’essomero lya St Michael High school e Sonde mu division ye Goma ayambeko mu kunonyereza ku muyizi eyatiddwa ku ssomero lino.
Omukulu we ssomero Richard Mpaka avunanibwa bulagajavu ng’omukulu w’essomero ekyaviriddeko omuyizi Laul Nyok Akuel owemyaka 22, munnansi wa South Sudan okufumita munne ekiso mu kisulo mwebabadde basula.
Ono yafumise Brain Rukundo nafirawo ku nkumerero ya wiiki ewedde ngamulanga kumuloopa nti alina essimu.
Omuyizi Laul Nyok bamusidika ewaka abereyo okumala sabiti bbiri ngekibonerezo wabula ate yamaze nakomawo mu bubba nafumita munne era namutta.
Poliisi ekyali kumuyigo gw’omuyizi ono ng’okunonyereza bwekugenda mu maaso.
Omukulu we ssomero Mpaka aguddwako omusango gw’okubulagajavu nga kati akumibwa ku poliisi e mukono.
